مغربی بنگال میں کورونا وائرس سے ہلاک ہونے والے ڈاکٹروں کی تعداد اب 93 تک پہنچ چکی ہے۔
ویسٹ بنگال ڈاکٹرز فورم کے مطابق این ٹی ایم شعبے کے سربراہ سدیو چٹرجی کو گزشتہ سال دسمبر کے آخر میں ڈیوٹی کے دوران طبعیت خراب ہو گئی تھی۔
ڈاکٹر چٹرجی اس دوران کام پر آتے رہے ۔ٹیسٹ کے دوران انہیں کورونا مثبت پایا گیا۔اس کے بعد انہیں ایک نجی ہسپتال میں داخل کرایا گیا تھا۔
ویسٹ بنگال ڈاکٹرز فورم کے مطابق نجی ہسپتال میں علاج کے دوران ڈاکٹر چٹرجی کی موت ہو گئی۔
ادارے نے مزید کہا کہ مغربی بنگال میں کورونا وائرس کے خلاف جاری جنگ میں اب تک93 ماہر ڈاکٹروں کی موت ہو چکی ہے۔
مغربی بنگال میں کورونا وائرس کی رفتار میں غیرمعمولی طور پر کمی آئی ہے۔ یومیہ پانچ سو سے بھی کم کورونا کے نئے کیسز کی تصدیق ہوئی ہے۔
مغربی بنگال میں کورونا وائرس کے مریضوں کی تعداد ساڑھے پانچ لاکھ کے قریب پہنچ گئی ہے جبکہ اس بیماری سے ہلاک ہونے والوں کی تعداد ساڑھے نو ہزار کے قریب ہے جن میں ڈاکٹروں کی تعداد93 ہے۔
