ریاست مغربی بنگال کے ضلع بنکورا میں مرکزی وزیر داخلہ امت شاہ نے ایک قبائلی خاندان کے ساتھ کھانا کھایا، وہ آج صبح بنکورا پہنچے ہیں، دوپہر کے کھانے کے بعد وہ جنگل محل کے علاقے میں پارٹی کے لئے تنظیمی اجلاس کریں گے۔ مرکزی وزیر داخلہ اور بی جے پی کے اعلی رہنما امت شاہ دو روزہ دورے پر بدھ کی رات کولکتہ پہنچ گئے۔
امت شاہ نے ایک قبائلی کے گھر میں زمین پر بیٹھ کر کھانا کھایا۔ انہوں نے کیلے اور شال کے پتے میں لنچ کیا۔ پارٹی ذرائع نے بتایا کہ شاہ آئندہ 2021 کے اسمبلی انتخابات کے پیش نظر پارٹی کی تنظیمی سرگرمیوں کا جائزہ لینے یہاں پہنچے ہیں۔
شاہ کے ہمراہ بی جے پی کے قومی نائب صدر مکل رائے ، قومی جنرل سکریٹری کیلاش وجئے ورگیہ موجود تھے۔ نیتا جی سبھاش چندر بوس بین الاقوامی ہوائی اڈے پر پارٹی کارکنوں نے 'امت شاہ زندہ باد اور بھارت ماتا کی جئے' کے نعرے لگائے۔
شاہ نے اس سے قبل بنگالی زبان میں ایک ٹویٹ میں کہا تھا، جس میں انہوں نے دو روزہ دورے پر مغربی بنگال آنے کو کہا تھا۔ انہوں نے لکھا کہ میں یہاں بی جے پی کی مغربی بنگال یونٹ، ریاستی عوام، میڈیا کے دوستوں اور مختلف برادریوں کے نمائندوں سے ملاقات کا منتظر ہوں۔
کوویڈ ۔19 وبا کے بعد امت شاہ کا ریاست کا پہلا دورہ ہے۔ پہلے وہ یکم مارچ کو یہاں آئے تھے۔
