مجلس اتحاد المسلمین کی شاندار جیت کے بعد مجلس اتحاد المسلمین کے صدر اسدالدین اویسی نے مغربی بنگال کے انتخابات میں بھی حصہ لینے کا اعلان کیاہے جس کے جواب میں کانگریس رہنما ادھیر رنجن چودھری نے کہا کہ ’مغربی بنگال میں مجلس کےلیے کوئی جگہ نہیں ہے‘۔
کانگریس صدر ادھیررنجن چودھری نے کہا کہ مغربی بنگال کےلیے اے آئی ایم آئی ایم اجنبی پارٹی ہے اور خاص کر مرشدآباد میں غیرمقبول ہے۔ انہوں نے کہا کہ اسدالدین اویسی کی پارٹی اور بی جے پی کے فرقہ پرستی پر مبنی ایجنڈہ کو ریاست میں روکنا ضروری ہے۔
واضح رہے کہ حالیہ بہار اسمبلی انتخابات میں مجلس اتحاد المسلمین نے بہار کے سیمانچل میں زبردست کامیابی حاصل کرتے ہوئے اپنے پہلے ہی الیکشن میں 5 سیٹ جیت لی جس کے بعد بھارتی سیاست میں ایک نیا رخ پیدا کردیا ہے مجلس کے پانچ سیٹیں آنے پر سیکولر پارٹیاں اسدالدین اویسی کو بی جے پی کے لیے کام کرنے کا الزام لگارہی ہیں۔
