مغربی بنگال کے مرشدآباد کے بہرامپور سے کانگریس کے رکن پارلیمان ادھیر رنجن چودھری نے کہاکہ ملک میں بحران جاری ہے اورا س دوران کسی کو سیاست کرنے کی ضرورت نہیں ہے۔
انہوں نے کہاکہ کوروناوائرس سے نمٹنے کے لئے ملک میں لاک ڈاؤن جاری ہے۔ ہرآدمی پریشان ہے ۔ بیرون ریاستوں میں پھنسے مزدوروں،طلباء اور عام لوگ سب سے زیادہ پریشان ہیں۔
کانگریس کے رکن پارلیمان کاکہنا ہے کہ ہاں مجھے پتہ چلا ہے کہ وہ وزیرداخلہ امت شاہ نے ریاستی حکومت کو خط لکھ کر اسپیشل ٹرینیں چلانے اور بیرون پھنسے مزدوروں اور لوگوں کی واپسی سے متعلق وضاحت طلب کیا ہے۔
انہوں نے کہاکہ اس سے پہلے میں نے وزیرداخلہ امت شاہ سے اس سلسلے میں بات چیت کی تھی۔وزیرداخلہ نے بتایا تھاکہ وہ کئی مرتبہ ریاستی حکومت سےمزدوروں کو واپس لانے کی بات کرنے کی کوشش کی تھی لیکن انہیں مثبت جواب نہیں ملا۔
لوک سبھا میں کانگریس کے رہنما ادھیر رنجن چودھری نے کہاکہ میں ریاستی حکومت سے مزدوروں کو جلد سے جلد واپس لانے کا مطالبہ کررہاہوں ۔
انہوں نے کہاکہ بیرون ریاستوں میں پھنسے لوگوں کو حکومت ہی واپس لا سکتی ہے ۔اس کے لئے ہم سبھوں کو مل کر کام کرنےکی ضرورت ہے ۔
کانگریسی رہنما نے کہا کہ اورنگ آباد کا واقعہ یاد رکھنے کی ضرورت ہے جہاں گھروں کو جانے کے انتظار میں 16 مزدوروں کی ٹرین کی زد میں آنے سے موت ہو گئی تھی۔ ابھی تک کسی نے اس واقعہ کی ذمہ داری نہیں لی ہے۔آخرکب تک ایسا چلے گا۔
