مغربی بنگال میں 27 فروری کو ریاست کے 108 میونسپلٹیوں کے لئے ہونے والے انتخابات West Bengal Municipal Elections سے پہلے ہی مختلف اضلاع میں سیاسی جماعتوں کے حامیوں کے درمیان تنازع شروع ہوگیا ہے۔
مرشدآباد ضلع بہرامپور میونسپلٹی کے مختلف وارڈوں میں ترننول کانگریس اور کانگریس کے حامیوں کے درمیان جھڑپیں ہوئی ہیں جس میں کانگریس کے کارکنان کو نشانہ بنایا گیا۔
اس تنازع کے بعد مرشدآباد ضلع کے بہرامپور سے کانگریس کے امیدوار ادھیر رنجن چودھری نے ترنمول کانگریس کے رہنماؤں کو للکارتے West Bengal Municipal Elections ہوئے کہا کہ ہمت ہے تو ان پر حملہ کرکے دیکھاؤ، ان کے حامیوں پر حملہ کیوں کیا جارہا ہے۔
کانگریس کے سنئیر رہنما نے کہا کہ حکمراں جماعت ترنمول کانگریس چاہتی ہے کہ انتخابات میں اپوزیشن پارٹیاں شرکت نہ کریں، جمیوریت میں سب کو انتخابات لڑنے کا حق حاصل ہے۔
انہوں نے کہا کہ ترنمول کانگریس کے حامی کانگریس کے امیدواروں اور حامیوں کو ہدف بنا رہے ہیں۔ کانگریس کے رہنماؤں کے بچوں پر حملہ کیا جا رہا ہے۔ وزیراعلی ممتابنرجی کو اس کی اطلاع نہیں ہے۔
واضح رہے کہ مرشدآباد ضلع کے بہرامپور میونسپلٹی West Bengal Municipal Elections کے وارڈ نمبر 17 میں کانگریس کے امیدوار شیخ ریاض الدین اور ان کے گھر والوں پر شرپسندوں نے حملہ کیا ہے جس کا الزام انہوں نے ترنمول کانگریس پر عائد کیا ہے۔
