مغربی بنگال کے شمالی 24 پرگنہ کے جگتدل تھانہ علاقوں میں گزشتہ سال اسمبلی انتخابات کے بعد سے جاری سیاسی تصادم کا سلسلہ اب تک جاری ہے۔ گزشتہ چند دنوں کے دوران شوٹ آؤٹ کے چار واقعے کے بعد علاقے میں دہشت کا ماحول ہے۔ اسی درمیان شمالی 24 پرگنہ کے جگتدل تھانہ کے تحت وارڈ نمبر چار سے پولیس نے چھاپہ ماری مہم کے دوران بموں سے بھرا بالٹی برآمد کیا ہے۔ Bombs Recovered in Jagatdal
رواں ہفتے میں جگتدل تھانہ علاقے میں چھٹی مرتبہ دیسی بم برآمد کئے گئے ہیں۔ذرائع کے مطابق جگتدل تھانہ کے تحت روستم گومٹی تھانہ علاقے میں پولیس نے خفیہ اطلاع کی بنیاد پر بڑے پیمانے پر چھاپہ ماری مہم چلائی۔ مہم کے دوران پولیس نے ایک مکان کے پیچھے سے دیسی بموں سے بھرے دو بالٹی برآمد کیا۔
بیرکپور پولیس کمشنریٹ اجے کمار ٹھاکر نے کہا کہ گزشتہ 15 جون کی شام رضوان علی نام کے ایک نوجوان کا سرعام گولی مار کر قتل کر دیا گیا تھا اس کے بعد سے ہی پولیس جگتدل تھانہ علاقے میں بڑے پیمانے پر چھاپہ ماری مہم چلا رہی ہے۔
دوسری طرف بیرکپور سے رکن پارلیمان ارجن سنگھ نے کہا کہ گزشتہ چند دنوں سے جگتدل اور اس کے اطراف کے علاقوں میں جرائم کی وارداتوں میں تشویشناک اضافہ ہوا ہے۔ پولیس تفتیش کر رہی ہے، امید کرتے ہیں علاقے میں حالات جلد معمول پر واپس لوٹ آئیں گے۔
