کلکتہ: شمالی 24پرگنہ کے بنگائوں کے بگدا سرحد کے قریب بی ایس ایف کے جوانوں کے ذریعہ ایک خاتون کی اجتماعی عصمت دری کا معاملہ کا سامنے آیا ہے۔ پولس اس معاملے میں پہلے ہی بی ایس ایف کے دو جوانوں کو گرفتار کر لیا ہے۔Two BSF Men Arrested on Rape Charges
پولیس کے ذرائع کے مطابق اس واقعہ میں بی ایس ایف کی 68 بٹالین کے دو جوان ملوث ہیں۔ ان دونوں جوانوں پر الزام ہے کہ بشیر ہاٹ کی رہنے والی ایک خاتون کے ساتھ بگڈا سرحد پر جیت پور کی زرعی زمین میں دو جوانوں نے اجتماعی عصمت دری کی۔ ملزمان میں سے ایک بی ایس ایف کی 68 بٹالین کا اے ایس آئی اور دوسرا کانسٹیبل ہے۔ الزام ہے کہ یہ واقعہ جمعرات کی رات پیش آیا۔ آج متاثرہ نے بگڈا پولیس اسٹیشن پہنچ کر شکایت درج کرائی۔ اس کے بعد دونوں فوجیوں کو بگڈا تھانے کی پولیس نے گرفتار کر لیا۔
بن گاؤں پولیس ضلع کے ایس پی ترون ہلدار نے بتایا کہ دو جوانوں کو آج عدالت میں پیش کرکے پولس تحویل میں لے کر جانچ کی جائے گی۔ واقعہ کی خبر سے علاقے میں خوف و ہراس کا ماحول ہے۔ تاہم صورتحال پر قابو پانے کے لیے پولیس کو تعینات کیا گیا ہے۔ بنگاؤں ضلع ترنمول کانگریس کے صدر اور بگدر کے ایم ایل اے بسواجیت داس نے اس واقعہ میں بی ایس ایف اور مرکزی حکومت کے رول پر سوال اٹھایا ہے۔ مرکزی حکومت پر حملہ کرتے ہوئے انہوں نے کہاکہ جو ملک کی سلامتی کے ذمہ دار ہیں، وہ عصمت دری کر رہے ہیں۔ BSF Men Held for Raping Woman
یو این آئی
