ریاست اتراکھنڈ میں کورونا کے قہر کو دیکھتے ہوئے لاک ڈاؤن میں مزید توسیع کی جارہی ہے، جس کی وجہ سے غریب اور لاچار لوگ بھوک مری کے دہانے پر پہنچنے پر مجبور ہو رہے ہیں۔
وہیں غریبوں کی مدد کے لئے اتراکھنڈ مسلم یوتھ مورچہ نے اودھم سنگھ نگر ضلع میں ضرورتمندوں میں امدادی سامان تقسیم کرنے کا فیصلہ کیا ہے تاکہ کورونا سے لڑنے والے لوگوں کو کچھ راحت مل سکے۔
مسلم مورچہ کے کارکنان نے آج اپنے پہلے راؤنڈ میں ضلع کے کاشی پور کے محلہ تھانہ سبک، عیلی خان، پاکیجا بستی اور حضرت نگر میں سبزیوں کی تقسیم کی گئی۔
اتراکھنڈ مسلم یوتھ مورچہ کے ریاستی صدر ڈاکٹر محمد عباس راہل اور میٹرو پولیٹن سٹی کاشی پور کے صدر ثمر خان کی قیادت میں غریب اور لاچار لوگوں کو راحت پہنچانے کا کام کیا گیا۔
اس دوران علاقے کے سماجی کارکن ظفر منا، اسلم قادری، ممتاز منصوری، دلشاد انصاری نے بھی مسلم مورچہ کا ساتھ دیتے ہوئے ضرورت مند لوگوں کی مدد کی۔
