تریویندر سنگھ راوت کے اقدام پر متعدد وزرا اور ارکان اسمبلی نے تشویش کا اظہار کیا۔ اطلاعات کے مطابق پہلی بار رکن اسمبلی بنے دھن سنگھ راوت کو تریویندر سنگھ راوت کے متبادل کے طور پر دیکھا جارہا ہے۔
اس کے علاوہ ریاست سے تعلق رکھنے والے دو سینئر رہنما و ارکان پارلیمنٹ اجے بھاٹ اور انیل بلونی کو بھی وزیراعلیٰ کے عہدہ کا مضبوط دعویدار مانا جارہا ہے۔ وہیں ذرائع کے مطابق پشکر سنگھ دھمی کو نائب وزیراعلیٰ بھی بنایا جاسکتا ہے۔
واضح رہے کہ پارٹی میں بڑے پیمانہ پر ناراضگیوں کی اطلاعات کے بعد بی جے پی کی مرکزی قیادت نے پارٹی کے نائب صدر رمن سنگھ اور جنرل سکریٹری دشیانت کمار گوتم کو اترکھنڈ بھیجا تھا جبکہ پارٹی کے دونوں رہنماؤں نے صدر بی جے پی، جے پی نڈا کو اس سلسلہ میں رپورٹ پیش کی تھی۔ 2017 انتخابات میں کل 70 نشستوں میں سے 57 نشستوں پر بی جے پی نے شاندار کامیابی حاصل کی تھی جس کے بعد راوت کو وزیراعلیٰ کے عہدہ پر نافذ کیا گیا تھا۔
