نریندر مودی نے ٹویٹر پر کہا کہ ’’اتراکھنڈ کے یوم تاسیس کے موقع پر ’دیو بھومی‘ کے اپنے تمام بھائیوں اور بہنوں کو دل کی گہرائیوں سے مبارکباد۔ گزشتہ پانچ برسوں میں ریاست نے جو ترقی کی ہے، اس سے مجھے یقین ہے کہ یہ پوری دہائی اتراکھنڈ کی ہی ہونے والی ہے۔ اتراکھنڈ میں جو ترقیاتی کام ہوئے ہیں، وہ اس بات کا ثبوت ہیں کہ اب پہاڑ کا پانی اور جوانی، دونوں یہاں کے کام آرہے ہیں۔ میری خواہش ہے کہ قدرت کی گود میں بسی یہ ریاست ترقی کی راہ پر مسلسل گامزن رہے‘‘۔
جے پی نڈا نے ٹویٹ کر کے کہا کہ ’روحانیت اور ثقافت کی مقدس سرزمین اتراکھنڈ کے یوم تاسیس پر ریاست کے تمام لوگوں کو دل کی گہرائیوں سے مبارکباد۔ وزیراعلیٰ پشکر سنگھ دھامی جی کی قیادت میں ریاست مسلسل ترقی کی راہ پر گامزن ہے۔ ایشور سے ریاست کے تمام لوگوں کی خوشی، خوشحالی اور فلاح و بہبود کے لیے دعا کرتا ہوں‘۔
وہیں نائب صدر ایم وینکیا نائیڈو نے ریاست کے یوم تاسیس پر اتراکھنڈ کے باشندوں کو مبارکباد دی ہے۔ منگل کو جاری اپنے ایک پیغام میں نائیڈو نے کہا کہ پوری قوم اتراکھنڈ کے باشندوں کی بہادرانہ روایت کے لیے شکر گزار ہے۔ نائیڈو نے کہا کہ یہ ریاست اپنے قدرتی وسائل کے بل بوتے پر آنے والے وقتوں میں ترقی کی نئی بلندیوں کو چھوئے گی۔
یہ بھی پڑھیں:
انہوں نے کہا’’میں ریاست کے یوم تاسیس پر دیو بھومی اتراکھنڈ کے باشندوں کے صحت مند اور روشن مستقبل کیلئےدعاگو ہوں۔ اتراکھنڈ ویر بھومی بھی ہے، جو فطرت کے قدرتی حسن سے مزین ہے، جہاں ہر ضلع نے ملک کی سلامتی کے لیے قابل قدر حصہ ڈالا ہے۔ پوری قوم آپ کی بہادرانہ روایت کی مشکور ہے۔‘‘
