ریاست اترا کھنڈ کے ضلع رڑکی کے جوالہ پور کے رکن اسمبلی سریش راٹھور نے ایک ایسا ہی متنازع بیان دیا ہے ۔
انہوں نے اپنے اسمبلی حلقے میں آباد مسلم علاقے کو پاکستانی سرزمین قراردیتے ہوئے ان علاقوں میں ترقیاتی کام نہ کرانے کا اعلان کیا۔
انہوں نے کہا کہ 'یہاں کی مسلم آبادی پاکستانی علاقہ ہے میں ان پاکستانی علاقوں میں کوئی ترقیاتی کام نہیں کروں گا، چاہے کچھ بھی ہو۔'
ویڈیو سوشل میڈیا پر وائرل ہو رہی ہے اور رکن اسمبلی کی زبردست کھینچائی ہورہی ہے۔
بی جے پی کے سریش راٹھور جبل پور کے رکن اسمبلی ہیں، جنہوں نے آج سڑک افتتاح کے دوران ایک متنازع بیان جاری کیا ہے جو شرمناک ہے۔
ایک خاص برادری کو نشانہ بناتے ہوئے رکن اسمبلی نے ایسا بیان دیا ہے جس کی مذمت کی جارہی ہے۔
بی جے پی کے رکن اسمبلی سریش راٹھور نے اپنے ہی اسمبلی کے مسلم حلقہ 'گڑھی سانگی پور' کو پاکستانی علاقہ قرار دے دیا۔
صرف یہی نہیں، رکن اسمبلی نے واضح طور پر کہا کہ 'پاکستان کے لوگ یہاں رہتے ہیں اور وہ 'ایم ایل اے فنڈ' سے اس علاقے میں کوئی ترقیاتی کام نہیں کریں گے۔
یہ بیان رکن اسمبلی نے جان بوجھ کر دیا ہے یا اسمبلی کے اندر کسی خاص فرقے کو نشانہ بنانے کی کوشش کر رہے ہیں۔اس ویڈیو میں واضح طور پر دیکھا جاسکتا ہے۔
یاد رہے کہ رکن اسمبلی بننے سے پہلے اسمبلی میں حلف لیا جاتا ہے جس میں آئین میں واضح طور پر کہا گیا ہے کہ لوگوں کے ساتھ امتیازی سلوک نہیں کریں گے۔لیکن 'جوالہ پور' کے رکن اسمبلی سریش راٹھور نے آئین کو ہی تاک پر رکھ دیا ہے۔
