ریاست اترپردیش کے ضلع میرٹھ میں کورونا ویکسینیشن مہم کے تئیں عوام میں بیداری لانے کے لیے میرٹھ ڈی ایم نے مسلم علاقوں میں پہنچ کر مقامی لوگوں کے علاوہ علمائے کرام کے ساتھ میٹنگ کی۔ضلع مجسٹریٹ نے عوام سے ویکسینیشن مہم کو کامیاب بنانے کی بات کہی۔
میرٹھ کے کچھ پسماندہ علاقوں میں ویکسینیشن کی سست رفتار کو دیکھتے ہوئے آج میرٹھ ڈی ایم نے مسلم اکثریتی آبادی والے احمد نگر علاقے کے مدرسہ قاسم العلوم میں ایک مخصوص میٹنگ کی ۔جس میں مقامی افراد کے علاوہ علمائے کرام نے بھی شرکت کی۔
ضلع مجسٹریٹ نے میٹنگ میں خطاب کرتے ہوئے عوام سے ویکسینیشن لینے کی بات کہی۔ انہوں نے عوام کو ویکسین کی اہمیت بیان کرتے ہوئے کہا کہ کورونا کی دوسری لہر نے جو نقصان پہنچایا ہے اس کا کوئی بدل نہیں ہو سکتا ضرورت ہے۔ خود کواس سے بچانے کی اس لئے ہم سب کو مل کر اس کورونا کا سامنا کرنا ہے اور اس کے لئے ویکسین کا لگوانا بے حد ضروری ہے۔ اس لئے اپنے ساتھ دوسروں کو بچانے کے لیے ویکسینیشن مہم کو کامیاب بنائے۔
میرٹھ میں جس طرح سے ویکسینیشن کا کام ہو رہا ہے اس کو دیکھتے ہوئے یہی کہا جا سکتا ہے کہ حکومت کی جانب سے چلائے جا رہے ویکسینیشن کیمپوں میں پہنچ کر خود کو ویکسین کروانا وقت کی اہم ضرورت ہے۔تب ہی کورونا کی تیسری لہر سے بھی بچا جا سکتا ہے۔
