اتراکھنڈ کے پہاڑوں میں مسلسل 48 گھنٹے کی شدید برف باری کی وجہ سے یہاں کے اونچے نیچے پہاڑ چاندی کی طرح چمکنے لگے ہیں۔وہیں اس سال شدید برف باری کے باعث نقصانات بھی کافی دیکھائی دے رہے ہیں۔
شادی کے لیے جا رہی بارات کی گاڑیاں بھی برف میں پھنس گئیں، جس کی وجہ سے براتیوں کو پیدل گاتے بجاتے ہوئے آگے کا سفر کرنا پڑا۔
ریاست میں شدید برف باری کی وجہ سے اتراکھنڈ کی متعدد قومی اور ریاستی سڑکیں بلاک ہوگئی ہیں اور متعدد قصبے اور دیہات کا رابطہ ٹوٹ چکا ہے ۔ برف باری اور شدید بارش نے کئی بجلی کے کھمبوں کو اکھاڑ دیا ہے اور 66 کے وی لائن کی خرابی کی وجہ سے لوگ اندھیرے میں رہنے پر مجبور ہیں۔
اتراکھنڈ محکمہ موسمیات کے ڈائریکٹر وکرم سنگھ نے ای ٹی وی بھارت کو دو دن قبل ہی عوام کو چوکس رہنے کی ہدایت جاری کی تھی۔
راستوں میں سیاحوں اور مقامی لوگوں کی کار اور گاڑیاں برف میں پھنس جانے کی وجہ سے بھاری برف باری لوگوں کے لیے مصیبت بن چکی ہے۔
