واضح رہے کہ 31 اکتوبر 2015 میں سردار ولبھ بھائی پٹیل کے یوم پیدائش کے موقع پر وزیراعظم نریندر مودی نے ایک بھارت ۔ شریشٹھ بھارت پروگرام کی بنیا د رکھی تھی۔
اس پروگرام کا بنیادی مقصد ملک کی مختلف ریاستوں کی تہذیب و ثقافت اور اتحا د کو باہم فروغ دینا اور اس کے ساتھ تمام ریاستوں میں ثقافتی ورثہ، دستکا ری اور مختلف اقسام کی رسومات کی نمائش ہے۔
اتراکھنڈ کے کاشی پور میں وزارت اطلاعات و نشریا ت کے عہدیداروں نے ایک بھارت ۔ شریشٹھ بھارت کے تحت پہلے پروگرام کا آغاز کیا۔
بتایا جا رہا ہے کہ کاشی پور کے بعد ریاست کے دوسرے اضلاع اور دیگر شہروں میں پروگراموں کا آغاز ہوگا۔
اس دوران اسکول میں زیر تعلیم طلبا و طالبات نے باہمی اتحا و سالمیت کو فروغ دینے والا دلکش منظر بھی پیش کیا۔
وزارت اطلاعات و نشریا ت کے فیلڈ آوٹ ریچ بیورو راجیش سنہا نے کہا کہ 'ایک بھارت ۔ شریشٹھ بھارت دراصل وزیر اعظم نریندر مودی کی ایک فکر ہے۔'
اور اس فکر کا اہم مقصد ملک کے تما م ریاستوں کے ثقافتی ورثہ کا تحفظ اور اور عوام کو اس کے تئیں بیدار کرنا ہے ۔
انہوں نے مزید کہا کہ پروگرام کے بعد ایک گاڑی کے ذریعہ مختلف شہروں میں جا کر عوام کو اس پروگرام کے سلسلے آگاہ کیا جا ئیگا اور پروگرام بھی پیش کئے جائینگے۔
