عالمی یوم چڑیوں کے موقع پر جہاں سماجی تنظیم اور غیر سماجی تنظیموں نے لوگوں کو مختلف طریقوں سے ماحول کے بارے میں آگاہ کیا ہے، تو وہیں روڑکی کے سول لائنز کوتوالی میں سپرنٹنڈنٹ پولیس سواپن کشور سنگھ نے پولیس اہلکاروں میں چڑیوں کے گھونسلے تقسیم کیے۔
سواپن کشور سنگھ نے کہا کہ چڑیا دس ہزار سالوں سے انسانوں کے ساتھ رہ رہی ہے ، لیکن اب یہ چڑیا چند دہائیوں سے شہروں کے علاقوں میں ایک نایاب پرندہ بن چکی ہے۔ ان کی آبادی میں زبردست کمی واقع ہوئی ہے۔
عالمی یوم چڑیا کے موقع پر چڑیوں کے گھونسلے تقیسم
انہوں نے کہا کہ ماحولیاتی تحفظ میں چڑیا اہم کردار ادا کرتی ہے۔ انہوں نے کہا کہ اب اس کی بچت ہر شہری کی ذمہ داری ہے۔ سپرنٹنڈنٹ پولیس نے لوگوں سے گھر کی چھتوں ، صحن ، کھڑکیوں اور بالکنی پر اناج اور پانی رکھنے کی اپیل کی۔
