ریاست اترپردیش کے ضلع لکھیم پور کھیری میں گاڑی چرانے والی گینگ کی جانب سے گاڑی چوری کی واردات میں دن بہ دن اضافہ ہوتا ہی جارہا ہے۔
بائک چوری کی واردات
ہر ہفتہ کہیں نہ کہیں گاڑی چوری ہونے کا واقعہ پیش آتا ہے اور اس تعلق سے کیس بھی درج کیے جاتے ہیں اور کبھی کبھار چند واردات سی سی ٹی وی کیمرے میں قید ہوجاتی ہے۔
ضلع کے صدر کوتوالی حلقے میں واقع دیپ شکھا ہوٹل کے سامنے اتم ویر سنگھ نامی شخص کی اپاچے گاڑی کو بائک چور نے بالکل بے خوف ہوکر چرالی۔
بائک کے مالک ہوٹل میں اپنے کسی کام کے لیے آئے ہوئے تھے اور انھوں نے بائک کو ہوٹل کے سامنے کھڑی کردی تھی اور اسی وقت میں چوری کی واردات انجام دی گئی۔
اس حلقے میں گزشتہ ہفتے بھی بائک چوری کی واردات انجام دی گئی تھی اور اس طرح کی وارداتوں میں مسلسل اضافہ ہوتا جارہا ہے جو ضلع کی قانونی صورت حال پر ایک سوالیہ نشان ہے۔
