سرینگر: اتراکھنڈ میں انکیتا بھنڈاری قتل کیس میں نیا موڑ آیا ہے۔ انکیتا کے اہل خانہ نے حکومت کی کارروائی پر سوال اٹھاتے ہوئے آخری رسومات ادا کرنے سے انکار کر دیا ہے۔ فی الحال حکومت اور انتظامیہ انکیتا کے اہل خانہ کو منانے میں مصروف ہے۔ BJP Leader Son Uttarakhand Resort Case
انکیتا بھنڈاری قتل کیس میں انکیتا کی آج پوڑی کے سرینگر میں آخری رسومات کی تیاریاں جاری ہیں۔ سرینگر گڑھوال کے آئی ٹی آئی گھاٹ میں دور دور سے لوگوں کے پہنچنے کا سلسلہ تیز ہوگیا ہے جبکہ سرینگر ویاپار سبھا انکیتا کے قتل کے خلاف احتجاجاً بازار بند رکھا اور شہر کی فضا سوگوار ہے۔ گھاٹ پر پولیس کی بھاری نفری تعینات کر دی گئی ہے۔ وہیں دوسری جانب انکیتا کے اہل خانہ نے حکومت کے کام کاج پر سوال اٹھاتے ہوئے آخری رسومات ادا کرنے سے انکار کردیا ہے۔ فی الحال انتظامیہ اہل خانہ کو منانے میں مصروف ہے۔Uttarakhand Resort Murder Case
واضح رہے کہ انکیتا بھنڈاری کے اہل خانہ نے حکومت کے کام کاج پر سوال اٹھائے ہیں۔ لواحقین کا کہنا ہے کہ حکومت نے شواہد کو مٹانے کے لیے ریزورٹ کو توڑا ہے۔ اس کے ساتھ ہی انکیتا کے خاندان والوں نے انکیتا کے پوسٹ مارٹم پر بھی سوال اٹھاتے ہوئے دوبارہ پوسٹ مارٹم کا مطالبہ کیا ہے۔
وہیں انتظامیہ انکیتا بھنڈاری کے رشتہ داروں کو منانے میں مصروف ہے کیونکہ خاندان نے آخری رسومات ادا کرنے سے انکار کر دیا ہے۔ آپ کو بتا دیں کہ انکیتا بھنڈاری قتل کیس کو لے کر پوری ریاست میں لوگوں میں کافی ناراضگی ہے، سری نگر گڑھوال کے آئی ٹی آئی گھاٹ میں دور دور سے لوگوں کے پہنچنے کا سلسلہ تیز ہو گیا ہے۔
بتادیں کہ 18 ستمبر سے لاپتہ انکیتا بھنڈاری کی لاش آج 24 ستمبر کو رشی کیش کے قریب چیلا شکتی نہر سے ملی تھی۔انکیتا کے والد اور بھائی نے انکیتا کی لاش کی تصدیق کی۔ جس کے بعد وزیاراعلیٰ پشکر سنگھ دھامی نے انکیتا کی موت پر غم کا اظہار کیا۔ اس کے ساتھ ہی انہوں نے ڈپٹی انسپکٹر جنرل آف پولیس پی رینوکا دیوی کی قیادت میں ایک ایس آئی ٹی تشکیل دی اور معاملے کی گہرائی سے جانچ کرنے کا حکم دیا۔
یہ بھی پڑھیں: Uttarakhand Ankita Bhandari Murder Case انکیتا بھنڈاری کی لاش چِلا نہر سے برآمد
وہیں دوسری جانب لاش ملنے کے بعد لوگوں میں زبردست غصہ پایا جاتا ہے۔ لوگ اس معاملے میں ملزمین کو سزائے موت دینے کا مطالبہ کر رہے ہیں، لاش ملنے کے بعد لوگوں نے گزشتہ روز پُلکت آریہ کے خلاف احتجاج کیا۔ لوگوں نے پُلکٹ آریہ کی فیکٹری کو آگ لگا دی۔Angry Villagers Set Fire Factory پلکت آریہ کی فیکٹری بننے کے کئی سال بعد وننترا ریزورٹ بنایا گیا تھا۔ یہ ریزورٹ پلکیت کی عیاشی کا اڈہ بتایا جا رہا ہے۔ فیکٹری میں بھی کئی غیر اخلاقی کام کرنے کا الزام بھی لگایا جا رہا ہے۔
واضح رہے کہ گزشتہ روز ڈی جی پی اشوک کمار نے بھی انکیتا بھنڈاری قتل کیس میں بڑا انکشاف کیا تھا۔ ڈی جی پی اشوک کمار کے مطابق بی جے پی لیڈر کے بیٹے اور ریزورٹ کے مالک پلکت آریہ نے انکیتا بھنڈاری پر اپنے بھائی انکت آریہ کو اسپیشل سروس دینے کے لیے دباؤ بنایا تھا۔
