آنجہانی کامریڈ ذوالفقاراحمد کو یاد کیا گیا

کانگریس پارٹی ایک ڈوبتا ہوا جہاز ہے، جسے منجدھار میں چھوڑ کر اس کے لیڈر بھاگ رہے ہیں۔ ان خیالات کا اظہار کمیونسٹ پارٹی آف انڈیا کے قومی سکریٹری اتل کمار انجان نے ایک پروگرام کے دوران کہا۔

سی پی آئی کے ابتدائی رکن رہے آنجہانی کامریڈ ذوالفقاراحمد کی 19 ویں برسی کے موقع پر ایک جلسہ کو خطاب کرتے ہوئے اتل کمار انجان نے کانگریس پر طنز کیا۔ انہوں نے کہا کہ 140 سال پرانی پارٹی گزشتہ آٹھ ماہ سے اپنا صدر منتخب نہیں کر سکی۔

کامریڈ ذوالفقار احمد کی برسی کے موقع پر کانگریس اور سماجوادی پارٹی کے کارکنوں نے بھی شرکت کی۔

پروگرام کے دوران سی پی آئی کے قومی سیکریٹری اتل کمار انجان و مئو ضلع کے سینئر کانگریس لیڈر و سماجی کارکن عبدالمنان خان کی گل پوشی کی گئی۔

واضح رہے کہ کامریڈ ذوالفقار احمد نے تا حیات غریب مظلوم عوام اور کسانوں کے حق کے لئے جدوجہد کی۔ 19 سال قبل ایک سڑک حادثہ کے دوران ان کی دردناک موت واقع ہوئی تھی۔