ضلع پنچایت کا انتخاب بھی قریب ہے اور جب سے 'بھاگیداری سنکلپ مورچہ' کا وجود ہوا ہے تب سے کافی لوگ انتخابی میدان میں زور آزمائی کرنے کے لئے خاص طور پر سہیل دیو بھارتیہ جنتا پارٹی اور آل انڈیا مجلس اتحاد المسلمین کی رکنیت حاصل کر رہے ہیں۔
اس ضمن میں ضلع کے ایک مشہور ڈھابہ کے مالک زید صدیقی نے سہیل دیو بھارتیہ سماج پارٹی کے قومی جنرل سکریٹری و دیگر عہدیداران کی موجودگی میں پارٹی کی رکنیت اختیار کی۔
میڈیا سے گفتگو کرتے ہوئے اروند راجبھر نے کہا کہ زید شیخ کی آمد سے پارٹی کو تقویت حاصل ہوگی اور سہیل دیو سماج پارٹی ان کا پرتپاک استقبال کرتی ہے۔
انہوں نے کہا کہ بھاگیداری سنکلپ مورچہ اسدالدین اویسی اور اوم پرکاش راجبھر کی قیادت میں پوری مضبوطی کے ساتھ 2022 میں ریاست اتر پردیش میں حکومت تشکیل دینے کا کام کریگی۔
مزید پڑھیں:
سہارنپور: گنے کی ادائیگی کیلئے کسانوں کا احتجاج
اس موقع پر سہیل دیو بھارتیہ سماج پارٹی اقلیتی سیل کے ریاستی صدر فخر عالم، سینئر رہنما صدر عالم اعظمی، ضلعی صدر برج بھن راجبھر سمیت پارٹی کے دیگر سینئر رہنما و کارکنان موجود رہے۔
