ظفریاب جیلانی کی کورونا رپورٹ منفی، طبیعت پہلے سے بہتر

ای ٹی وی بھارت سے بات چیت کے دوران ظفریاب جیلانی کے صاحب زادے ضیا قیوم جیلانی نے بتایا کہ والد صاحب کی طبیعت پہلے سے مسلسل بہتر ہو رہی ہے۔ پہلے وہ کورونا مثبت تھے جبکہ اب منفی رپورٹ آئی ہے، یہ ہمارے لیے بڑی اطمینان کی بات ہے۔

بابری مسجد ایکشن کمیٹی کے کنوینر ظفریاب جیلانی کو برین ہیمریج ہوا، جس کے بعد انہیں لکھنؤ کے میدانتا ہسپتال میں بھرتی کرایا گیا تھا۔ ظفریاب جیلانی کی طبیعت میں تیزی سے سدھار ہو رہا ہے۔ اچھی بات یہ ہے کہ اب ان کی کورونا رپورٹ منفی آئی ہے۔

واضح رہے کہ ظفریاب جیلانی کو برین ہیمریج کے بعد اندرونی خون زیادہ نکلنے کی وجہ سے ان کا آپریشن ہوا، جو پوری طرح کامیاب رہا۔ ان کی طبیعت پہلے سے بہتر ہو رہی ہے۔

ای ٹی وی بھارت سے بات چیت کے دوران ظفریاب جیلانی کے صاحب زادے ضیا قیوم جیلانی نے بتایا کہ والد صاحب کی طبیعت پہلے سے مسلسل بہتر ہو رہی ہے۔ اللہ کا کرم ہے اور تمام لوگوں کی دعائیں ہیں، جو تیزی سے بہتر ہو رہے ہیں۔ پہلے وہ کورونا مثبت تھے جبکہ اب منفی رپورٹ آئی ہے، یہ ہمارے لئے بڑی اطمینان کی بات ہے۔

انہوں نے کہا کہ اب ہماری باضابطہ ان سے ملاقات ہو جاتی ہے۔ وہ اشارے سے باتوں کو سمجھ بھی رہے ہیں اور سبھی کو پہچان بھی رہے ہیں۔ لیکن ابھی ڈاکٹر نے بات چیت کے لیے منع کیا ہے۔