جونپور: اترپردیش کے ضلع جونپور کے بچھوار گاؤں میں پیر کی صبح تالاب میں ڈوبنے سے ایک نوجوان کی موت ہوگئی۔ یہ حادثہ اس وقت پیش آیا جب وہ چھٹ گھاٹ پر دیپ روشن کرنے کے لئے گیا تھا۔ پولیس کے مطابق ضلع کے سنگرامئو تھانہ علاقے کے بچوار گاؤں باشندہ ننہے کا بیٹا مان سنگھ(17)اہل خانہ کے ساتھ گھاٹ پر دیپ جلانے کے لئے تالاب پر گیا تھا۔ اس دوران تالاب میں نہانے کے لئے اترا اور گہرے پانی میں ڈوب گیا۔ کچھ دیر بعد مان سنگھ کا پتہ نہ لگنے سے لوگوں سے ان کی تلاش شروع کردی۔ Youth dies due to drowning in Jaunpur
رشتہ داروں اور وہاں موجود لوگوں نے مان سنگھ کو جلد ی سے تالاب سے نکالا اور مقامی اسپتال لے گئے۔ جہاں ڈاکٹروں نے اسے مردہ قرار دے دیا۔ متوفی مان سنگھ سنگرماؤ انٹر کالج میں انٹرمیڈیٹ کا طالب علم تھا۔ نوجوان کی موت پر گاؤں میں کہرام مچ گیا۔ نوجوان کی موت پر اہل خانہ سوگ میں ہے۔ وہ تین بھائیوں میں دوسرے تھے۔
یہ بھی پڑھیں: Five girls died in sultanpur سلطان پور میں پانچ لڑکیوں کی نہر میں ڈوبنے سے موت
یو این آئی
