ضلع کے کوتوالی ہرپال میں نگر برسوھیا محلے میں رہائش پذیر انیل کی لاش کٹرا بلور ہائی وے پر خراب حالت میں پائی گئی جس کے سبب علاقے کے لوگوں میں تشویش پائی جارہی ہے۔
واقعہ کی اطلاع ملنے پر انیل کے اہل خانہ موقع پر پہنچے اور اسے قتل کیے جانے کا الزام لگایا ہے۔
مقتول کے ایک رشتہ دار نے بتایا کہ انیل روز کی طرح کھانا کھا کر گھر کے قریب ایک کارخانے میں سونے چلا گیا رات میں آٹھ بجے ایک کال موصول ہوئی اور وہ کہیں چلا گیا۔لیکن صبح 6 بجے انھیں پڑوسیوں نے اطلاع دی کہ انیل کی لاش کٹرا بلور ہائی وے پر خراب حالت میں پڑی ہے۔
اس واقعہ کی اطلاع ہونے کے بعد انسپکٹر بھگوان چند ورما نے کہا کہ اس پورے معاملے کی تفتیش کی جارہی ہے، لاش کو پوسٹ مارٹم کے لیے روانہ کردیا گیا ہے رپورٹ آنے کے بعد آگے کی کاروائی کی جائے گی۔
ایس پی الوک نے بتایا کہ انیل کے اہلخانہ کی تحریری شکایت کے بعد کیس درج کر لیا گیا ہے، ملزمین اب پولیس کی گرفت سے دور نہیں ہے، پوسٹ مارٹم رپورٹ آنے کے بعد مزید تفتیش کرکے جلد ہی ملزمین پولیس کی گرفت میں ہوں گے۔
