اترپردیش کے 07 اضلاع میں یکم مئی سے شروع کیے گئے کورونا ویکسینیشن کی شروعات کے ساتھ ہی میرٹھ کے میڈیکل کالج میں بنائے گئے ویکسینیشن سینٹر پر بھی بڑی تعداد میں نوجوانوں نے پہنچ کر کورونا کا پہلا ٹیکہ لگوایا۔
میرٹھ میں بھی کورونا ٹیکہ کاری مہم کو لے کر نوجوانوں میں جوش دیکھا جا رہا ہے۔
ان کا کہنا ہے کہ وہ اس کا کافی عرصے سے انتظار کررہے تھے اور آج وہ دن آ گیا ہے۔
کورونا کا ٹیکہ لگوا کر یہ نوجوان کافی خوش نظر آئے اور وہ اپنے جیسے دوسرے نوجوانوں سے ٹیکہ لگوانے کی اپیل کر رہے ہیں تاکہ اس مہلک بیماری کا مقابلہ کیا جا سکے۔
وہیں میرٹھ کے سردار ولبھ بھائی پٹیل میڈیکل کالج کے پرنسپل کا کہنا کہ ویکسینیشن سینٹر پر نوجوانوں کی کثیر تعداد کو دیکھتے ہوئے اور زیادہ ویکسینیشن سینٹر بنائے جائیں گے تاکہ نوجوانوں کو ٹیکہ لگوانے میں کسی قسم کی دشواری نہ پیش آئے۔
میرٹھ میں جس طرح سے ویکسینیشن سینٹر پر نوجوان طبقہ ٹیکہ لگوانے پہنچ رہا ہے، اس کو دیکھتے ہوئے یہی کہا جا سکتا ہے کہ اگر اس مہلک بیماری سے بچنا یے تو کورونا کے ٹیکہ پر اعتماد کرنا ہو گا، تبھی اس مہلک بیماری کا مقابلہ کیا جا سکتا ہے۔
