ریاست اتر پردیش کے ضلع گوتم بدھ نگر نوئیڈا کے سیکٹر 52 میں واقع انتریکش سوسائٹی کے پیچھے ایک نوجوان کی لاش درخت سے لٹکی ہوئی ملی۔ جس کا نام کامران علی بتایا جارہا ہے۔
کوتوالی سیکٹر 24 پولیس نے اطلاع پر پہنچ کر لاش کو قبضے میں لے کر پوسٹ مارٹم کے لیے بھیج دیا ہے۔ پولیس اسے خودکشی قرار دے رہی ہے جب کہ مقتول کے اہل خانہ نے قتل کرکے لٹکائے جانے کا الزام عائد کیا ہے۔
یہ بھی پڑھیں: شمالی 24 پرگنہ اور مرشدآباد میں ترنمول کانگریس کے رہنماؤں کے قتل
قبل ازیں نوئیڈا کے کوتوالی سیکٹر 24 پولیس کو اطلاع ملی کہ انتریکش سوسائٹی کے پیچھے ایک 18 سالہ نوجوان کی لاش درخت سے لٹکی ہوئی ملی ہے۔ جس کے بعد پولیس مقامِ واقعہ پر پہنچی اور لاش کو پوسٹ مارٹم کے لیے بھیج دیا ہے۔
پولیس کا کہنا ہے کہ 'پوسٹ مارٹم رپورٹ آنے کے بعد موت کی اصل وجہ معلوم ہوگی کہ یہ قتل ہے یا خودکشی۔'
