ملک بھر کے تمام علمائے کرام نے جلسے میں حضرت امام حسین رضی اللہ تعالی عنہ کی شہادت کو یاد کرتے ہوئے ان کی کربلا میں ہوئی شہادت کو انسانیت کے لیے لیے قربان ہو جانے والی سب سے بڑی شہادت بتایا۔
اس موقع پر علماء نے کہا کہ 'ایسے وقت میں بھی آپ نے امن و امان کا ہی پیغام دیا۔ وہیں شہادت کے موقع پر کربلا میں موجود حضرت زینب رضی اللہ تعالی عنہ کی موجودگی اور ان کا صبر و تحمل انسانیت کا سب سے بڑا پیغام دیتی ہے۔'
انہوں نے انسانیت کا پیغام دیتے ہوئے کہا کہ 'حضرت امام حسین رضی اللہ تعالی عنہ کی شہادت اس بات کی تلقین کرتی ہے کی اسلام میں کسی بھی طرح کی شدت پسندی کو کوئی جگہ حاصل نہیں ہے۔ اسلام شدت پسندی کا سخت مخالف ہے۔'
علمائے کرام نے اس خاص موقع پر کہا کہ 'انسانیت کو پامال کرنے والے کسی بھی طریقہ کو اسلام قبول نہیں کرتا ہے۔ حضرت زینب رضی اللہ تعالی عنہ نے ایسے وقت میں بھی انسانیت کا ہی پیغام دیا ہے اور کسی بھی طرح کی انسانیت کو پامال کرنے والی مزاحمت کو غلط بتایا ہے۔
اس موقع پر حسینی فیڈریشن کی جانب سے نمایاں نمبرات کامیابی حاصل والے طلباء کو اعزاز دیا گیا اور غرباء اور مساکین کی ضرورت کے لیے انہیں کمبل اور سلائی مشین بھی تقسیم کی گئی۔
