اترپردیش کانگریس کمیٹی کے صدر اجے کمار للو نے یوگی حکومت پر تنقید کرتے ہوئے کہا کہ ریاست میں جنگل راج ہے۔ جرائم پیشہ لوگوں کے حوصلے بلند ہیں جبکہ یوگی جی کا 'مشن شکتی' پھیل ہو گیا ہے۔
اجے کمار للو نے کہا کہ بی جے پی حکومت بیٹی بچاؤ بیٹی پڑھاؤ کا نعرہ دیا، آپریشن مجنو چلاتی ہے اور اب مشن شکتی کے تحت خواتین تحفظ کی بات کر رہی ہے لیکن ان کی سچائی پورا اترپردیش سمجھ چکا ہے۔
انہوں نے کہا کہ بارہ بنکی، ہمیرپور، شاہ جہاں پر اور اب بستی میں درندوں نے ایک بچی کے ساتھ حیوانیت کی ساری حدیں پار کر دی ہیں، وہ بھی بھائی دوج کے دن۔ اس سے صاف ظاہر ہے کہ یہ حکومت ہر محاذ پر ناکام ثابت ہو رہی ہے۔
اجے کمار للو نے یوگی حکومت پر سخت تنقید کرتے ہوئے کہا کہ مشن شکتی صرف کاغذی ہے اور سارے دعوے کھوکھلے ہیں۔ صوبے میں جنگل راج قائم ہے۔ انہوں نے کہا کہ ریاست میں بیٹی، کاروباری اور عام آدمی پریشان ہیں لیکن جرائم پیشہ افراد کا بول بالا ہے۔
کانگریس کے ریاستی صدر نے یوگی حکومت پر سخت تنقید کی ہے لیکن یوگی حکومت کا ماننا ہے کہ اتر پردیش میں رام راجیہ ہے۔ یہاں کسی قسم کا جنگل راج نہیں ہے۔
