علی گڑھ: انٹیگریٹیڈ کمیونٹی ہیلتھ (آئی سی ایچ) پر عالمی کانگریس کے انعقاد کے سلسلہ میں اجمل خاں طبیہ کالج، اے ایم یو کی فیکلٹی آف یونانی میڈیسن کے شعبہ تحفظی و سماجی طب کی پریس کانفرنس میں پروفیسر عبید اللہ خاں اور اجمل خاں طبیہ کالج کے پرنسپل پروفیسر بی ڈی خان نے بتایا کہ ہندوستان سمیت امریکہ، برطانیہ، ایران، چین، بنگلہ دیش اور افغانستان کی نمائندگی کرنے والے ماہرین اور مندوبین اس عالمی کانگریس میں شرکت کریں گے۔ اس کا مقصد عالمی پیمانے پر صحت عامہ کے سلسلہ میں دنیا بھر میں متنوع طبی نظاموں کو مربوط کرنا ہے۔
آئی سی ایچ 2024، عالمی طبی ماہرین کے لیے طبی معلومات کے تبادلے اور باہمی تعاون کی راہ ہموار کرنے والا پلیٹ فارم ثابت ہوگا۔انھوں نے عالمی کانگریس کی اہمیت بیان کرتے ہوئے کہا کہ اس سے کمیونٹی میڈیسن کے شعبے میں بین الاقوامی تعاون کو فروغ ملے گا۔
پروفیسر اشرف نے بتایا کہ مندوبین اور ماہرین امریکہ، برطانیہ، ایران، چین، بنگلہ دیش، افغانستان وغیرہ اور ہندوستان سے بھی متوقع ہیں۔ انہوں نے تھیم کے بارے میں بھی آگاہ کیا اور اس بات پر زور دیا کہ یہ بہترین وقت ہے کہ دنیا بھر میں معاشرے کی بہتر صحت کے لیے دنیا بھر میں رائج مختلف طبی نظام کو مربوط کیا جائے۔
اس موقع پر ڈین فیکلٹی آف یونانی طب پروفیسر عبید اللہ خان نے موضوع کی اہمیت پر زور دیا۔ پرنسپل پروفیسر بی ڈی خان نے جی 20 جشن کے امکان میں کامیاب تنظیم پر بہت اہم ریمارکس پیش کیے۔ یہ آنے والی کانگریس کمیونٹی میڈیسن کے شعبے میں مختلف اقوام کے اجلاس کو یکجا کرنے کا موقع فراہم کرے گی۔
مختلف شعبہ جات کے چیئرمین پروفیسر ایف ایس شیرانی، پروفیسر آمنہ ناز، پروفیسر ضمیر احمد، پروفیسر محمد۔ انور، ڈاکٹر عبدالرؤف کے ساتھ پروفیسر فراست علی اور پروفیسر روبی انجم نے اس موقع پر خصوصی شرکت کی۔
یہ بھی پڑھیں: AMU Visit سی سی آر یو ایم کے ڈائرکٹر جنرل نے اے ایم یو کا دورہ کیا
پروفیسر ایف ایس شیرانی، پروفیسر آمنہ ناز، پروفیسر ضمیر احمد، پروفیسر محمد انور، ڈاکٹر عبدالرؤف، پروفیسر فراست علی اور پروفیسر روبی انجم نے پریس کانفرنس میں انٹیگریٹیڈ کمیونٹی ہیلتھ پر عالمی کانگریس کے انعقاد سے متعلق اپنے خیالات پیش کئے۔صدر شعبہ پروفیسر ایس ایم صفدر اشرف نے فیکلٹی آف یونانی میڈیسن کے نئے ڈین پروفیسر عبید اللہ خاں کا خیر مقدم بھی کیا.
