اتر پردیش کے سہارنپور کے دیوبند علاقہ میں ایک خاتون نے سسرال کے لوگوں پر مارپیٹ کرنے کا الزام لگاتے ہوئے کوتوالی میں تحریر دی ہے۔ خاتون کی تحریر پر پولیس نے معاملہ کی جانچ شروع کردی ہے۔
کوتوالی علاقہ کے گاؤں گوپالی کی باشندہ خاتون پرینکا زوجہ گوتم نے پولیس کو دی گئی تحریر میں بتایا کہ گھر کے قریب واقع سرکاری نل پر وہ اپنے بچوں کونہلا رہی تھی۔
اسی دوران اس کے جیٹھ اور جیٹھانی بھی وہاں پہنچ گئے اور اس کے ساتھ گالی گلوچ شروع کردی۔مخالفت کرنے پر ملزمان نے اسکی لاٹھی ڈنڈوں سے بری طرح پٹائی کی۔خاتون کے مطابق اس کا شوہر جب گھر سے باہر مزدوری کرنے جاتا ہے تو یہ لوگ اسی طرح کا رویہ اختیار کرتے ہیں ۔
پولیس نے زخمی خاتون کو علاج کے لئے یہاں مقامی سرکار ہسپتال میں بھیجا۔ انچارج انسپکٹر آنند دیومشرا نے بتایا کہ تحریر کی بنیاد پر معاملہ کی جانچ کی جارہی ہے۔ طبی رپورٹ آنے کے بعد آگے کی کارروائی عمل میںلائی جائےگی۔
