پرتاپ گڑھ: ریاست اترپردیش کے پرتاپ گڑھ ضلع ہیڈکواٹر سے چالیس کلومیٹر مسافت پر تھانہ باگھرائے علاقے کے دیور پٹّی گاؤں میں گزشتہ شب باغ میں سو رہی خاتون کا گلا ریت کر قتل کر دیا گیا ۔ تھانہ باگھرائے انسپکٹر ترلوکی ناتھ پانڈے نے ہفتہ کو بتایا کہ گزشتہ شب دیورپٹی گاؤں کی رہنے والے بابر علی کی اہلیہ روجن بانو ( 45) گھر کے متصل آم کے باغ کی رکھوالی کے لئے سو رہی تھی کہ کسی نے اس کا گلا ریت کر قتل کر دیا ۔صبح لوگوں نے دیکھا تو اس کی لہو لہان لاش پڑی تھی ۔ مقتولا کا شوہر گھر پر نہیں تھا ۔لاش کو قبضے میں لے کر پوسٹمارٹم کے لئے بھیج دیا گیا ہے ۔وقوعہ کی تحقیقات کی جارہی ہے ۔شکایت پر کیس درج کیا جائے گا۔
وہیں ریاست کے ضلع سنبھل میں جمعہ کی رات ایک پھل تاجر کا قتل کر دیا گیا۔ پھل تاجر کی لاش ریلوے لائن کے قریب سے ملی۔ لاش ملنے کے بعد علاقے میں سنسنی پھیل گئی۔ واقعے کی اطلاع ملتے ہی پولیس موقع پر پہنچ گئی اور لاش کو پوسٹ مارٹم کے لیے مردہ خانے بھجوا دیا۔ قتل کے بعد سے گھر والوں میں کھلبلی مچ گئی۔ اہل خانہ نے اس پر زمین کے لیے 12 لاکھ روپے سے زیادہ کے قتل کا الزام لگایا ہے۔ فی الحال پولیس معاملے کی جانچ کر رہی ہے۔
یہ بھی پڑھیں: Siblings stabbed over Property Dispute زمین تنازعہ پر بھائی بہن پر چاقو سے حملہ
یو این آئی
