ریاست اترپردیش کے ضلع متھرا کے ہائی وے تھانہ علاقہ کے تحت شادی خانہ میں ایک مسافر خاتون کے ساتھ جنسی زیادتی کا معاملہ سامنے آیا ہے۔
پولیس نے اس معاملے میں کارروائی کرتے ہوئے ایک ملزم کو گرفتار کرلیا ہے۔ اسی کے ساتھ ہی پولیس مفرور ملزم کی بھی تلاش کر رہی ہے۔
جمعرات کی رات گاڑی خراب ہونے کی وجہ سے ایک خاندان ہائی وے تھانے علاقے کے ستوہا گاؤں کے قریب ایک ڈھابے میں پناہ لینے کے بعد شادی خانہ پر رک گیا، کنبے میں ایک عورت تھی، متاثرہ خاتون نے الزام لگایا کہ شادی خانہ کے دو ملازمین نے میرے ساتھ عصمت دری کی۔ نیز یہ دھمکی بھی دی کی اگر وہ کسی کے سامنے بھی اس کا انکشاف کریں گی تو وہ انہیں مار ڈالے گے۔
متاثرہ نے بتایا کہ وہ علی گڑھ سے بھرت پور کی طرف جارہے تھے ، اسی دوران تقریبا رات 9 بجے گووردھان چوراہے کے آگے ان کی کار خراب ہو گئی، وہیں نزدیک میں ایک شادی خانہ تھا جہاں انہوں نے قیام کا فیصلہ کیا۔
متاثرہ نے بتایا کہ رات کو میں پانی پینے کے لئے اٹھی، تو وہاں موجود دو افراد نے مجھے پکڑ لیا اور میرے ساتھ عصمت دری کی اور کسی سے بتانے پر جان سے مارنے کی دھمکی بھی دی لیکن جب صبح میں اپنے گھر والوں کو بتایا تو انہوں اس کی اطلاع پولیس والوں کی دی۔
پولیس نے کارروائی کرتے ہوئے مقدمہ درج کرلیا ہے، ایک ملزم کو گرفتار بھی کرلیا ہے جبکہ دوسرے کی تلاش جاری ہے۔
