اترپردیش کے ضلع علیگڑھ تھانہ سول لائن میں تعینات سب انسپکٹر نوشاد علی خان کی اہلیہ نے اپنے سسرال والوں پر مار پیٹ کرکے گھر سے نکالنے کا الزام عائد کرتے ہوئے آج ایس ایس پی سے انصاف کی اپیل Woman Complains to SSP Against in-Laws کی ہے۔
اطلاعات کے مطابق علیگڑھ تھانہ سول لائن علاقے کے میڈیکل چوکی میں تعینات سب انسپکٹر نوشاد علی خان کی اہلیہ کرینہ بانو نے اپنے شوہر اور سسرال والوں پر ان کے ساتھ مار پیٹ کرکے گھر سے نکالنے کا الزام عائد کیا ہے۔
متاثرہ کرینہ بانو کے مطابق ان کی شادی 29 دسمبر 2019 کو علی گڑھ میں تعینات یوپی پولیس کے سب انسپکٹر نوشاد علی خان کے ساتھ ہوئی تھی۔ ان کے والد نے شادی میں تقریباً 40 لاکھ روپے خرچ کیے تھے، شادی کے کچھ عرصہ بعد متاثرہ کی ایک بیٹی ہوئی جس کے بعد سے سسرال والوں کا ان کے ساتھ رویہ بدل گیا اور ان کے ساتھ مار پیٹ کرنے لگے اور بلآخر انہیں گھر سے نکال دیا۔ کرینہ بانو نے اپنے شوہر سب انسپکٹر پر طلاق کی دھمکی دینے کا بھی الزام لگایا ہے۔
مزید پڑھیں:
موجودہ وقت متاثرہ خاتون کا شوہر تھانہ سول لائن میں چوکی انچارج کے عہدے پر تعینات ہے، اس حوالے سے متاثرہ خاتون نے علیگڑھ ایس ایس پی کو شکایتی درخواست دے کر انصاف کی اپیل کی ہے، متاثرہ کا کہنا ہے کہ میں اپنی بیٹی اقصی اور شوہر کے ساتھ رہنا چاہتی ہوں، میرا شوہر مجھے اپنے ساتھ کیو نہیں رکھنا چاہتے میں یہ جاننا چاہتی ہو۔
