کافی دیر بعد پولیس نے اسے سمجھا بجھا کر نیچے اتارا۔ اس معاملے میں ایک کانسٹبل کو معطل کر دیا گیا ہے۔
یہ معاملہ جمعرات کی دیر شام دیوا تھانہ حلقہ کے آستانہ روڈ واقع پانی کی ٹنکی کا ہے۔
ذرائع کے مطابق حجاجی محلہ کی ایک 26 سالہ خاتون اپنی بیٹی کے علاج کے لئے اپنے سسر سے پیسوں کا مطالبہ کر رہی تھی، لیکن جتنی رقم کی ضرورت تھی اس کے ساس سسر کی جانب سے نہیں دی گئی۔
اس سے مایوس ہوکر وہ خاتون دیوی کوتوالی پہونچی اور اپنے ساس سسر کی شکایت کی۔ اس پر کوتوالی میں تعینات کانسٹبل نیاز احمد نے خاتون سے بدتمیزی کی اور نازیبہ سلوک کیا۔
پولیس کی اس رویے سے مایوس خاتون پانی کی ٹنکی پر چڑھ کر خودکشی کی کوشش کرنے لگی۔ اس دوران وہاں کافی بھیڑ جمع ہو گئی۔
موقع پر علاقائی رکن اسمبلی سریش یادو بھی پہونچ گئے۔ کافی دیر کی مشقت کے بعد ایڈشنل ایس پی آر ایس گوتم موقع پر پہونچے اور انہوں نے کسی طرح سمجھا بجھا کر نیچے اتارا۔ اس معاملے میں کانسٹبل نیاز احمد کو معطل کر دیا گیا ہے۔
