نوئیڈا: میاں- بیوی نے پھندے سے لٹک کر خودکشی کرلی

قومی دارالحکومت دہلی سے ملحق نوئیڈا میں ایک دلخراش اور سنسنی خیز واقعہ پیش آیا ہے۔ نوئیڈا سیکٹر۔ 120 کی امرپالی زوڈیاک سوسائٹی میں فلیٹ نمر ایف 303 میں رہنے والے شوہر اور بیوی دونوں نے ایک ہی پھندے سے لٹک کر خود کشی کرلی ہے۔

بتایا جارہا ہے کہ دونوں شیئر بروکرز (شیئر بازار کے دلال) تھے۔ یہاں کرائے پر رہتے تھے۔ ان کی شادی تقریباً چھ سال قبل ہوئی تھی۔ بچے نہیں ہیں۔

بیوی نے دوپٹہ اور اس کے شوہر نے ساڑی کے پھندے سے لٹک کر جان دے دی۔ پولیس کے مطابق انہوں نے اپنی بہن سے خودکشی کی بات بتانی چاہیے لیکن بات نہیں ہو پائی۔ بعد میں میسیج ملنے کے بعد پولیس کو اطلاع دی گئی۔

موقع پر پہنچی پولیس نے دونوں کو پھندے پر لٹکا پایا۔ اطلاعات کے مطابق تھانہ فیز 3 کے تحت ونیت سنگھ ولد اکھلیش سنہا اور شویتا زوجہ ونیت، ایف 303 امرپالی زوڈیاک سیکٹر 120 پرتھلہ پولیس فیز 3 میں دو دن قبل قدوائی نگر پولیس اسٹیشن نوبستہ کان پور واقع اپنے گھر سے آئے تھے۔ لاک ڈاؤن میں وہ اپنے گھر چلے گئے تھے۔

خودکشی کی اطلاع پر پولیس فورس اور فارنسک ٹیم موقع پر موجود ہے۔ ضروری قانونی کارروائی کی جا رہی ہے۔ لاشیں پوسٹ مارٹم کے لیے بھیج دی گئی ہیں۔ پولیس خود کشی کی وجوہات کا پتہ لگانے میں مصروف ہے۔