سوشل میڈیا کی حقیقت اور اس کے اثرات کے موضوع پر ویب ٹاک

علی گڑھ مسلم یونیورسٹی (اے ایم یو) کے شعبہ ترسیل عامہ کے زیر اہتمام ایک ویب ٹاک سے خطاب کرتے ہوئے پرنجوائے گہا ٹھاکرتا کہا کہ شوشل میڈیا کو پروپیگنڈہ کے ایک وسیلہ کے طور پر استعمال کیا جا رہا ہے۔ اس سے غلط معلومات پھیلانے جارہی ہیں، جس سے سماج میں نفرت اور غلط فہمیاں پھیل رہی ہیں۔

اے ایم یو کی صدی تقریبات کے تحت اس ویب ٹاک میں پرنجوائے گہا ٹھاکرتا نے سوشل میڈیا، خاص طور سے فیس بک اور واٹس ایپ کے استعمال اور سوشل میڈیا پر اجارہ داری رکھنے والی مخصوص کمپنیوں کے طریقہ کار پر روشنی ڈالی۔

انہوں نے ہندوستان کے پس منظر میں انٹرنیٹ اور اسمارٹ فون پر گفتگو کرتے ہوئے کہا کہ فیس بک اور واٹس ایپ ملک میں سیاسی مینجمنٹ اور پروپیگنڈہ کا حصہ بن چکے ہیں۔

سوشل میڈیا نے سیاست کا منظر نامہ تبدیل کر دیا ہے۔ اس سے ملک میں جمہوریت کو مستحکم کرنے کے لئے ذمہ دار ادارے کمزور ہوئے ہیں اور آمریت پسند حکمرانوں کو انتخابی عمل کو متاثر کرنے کا موقع ملا ہے۔

سوشل میڈیا کی حقیقت اور اثرات موضوع پر ویب ٹاک

سوشل میڈیا کے منفی پہلو اور پرائیویسی کے خلاف ورزیوں پر روشنی ڈالتے ہوئے پرنجوائے نے کہا سوشل میڈیا پر جو اشتہارات آپ دیکھتے ہیں یا جس طرح کی معلومات آپ کے سامنے آتی ہیں وہ کوئی اتفاق نہیں ہے بلکہ وہ آپ کے سوشل میڈیا کو استعمال کرنے کی عادت کے عین موافق ہوتی ہیں کیونکہ انٹرنیٹ میں الگور تھم کی مدد سے عادات کو سمجھ لیا جاتا ہے۔ویب ٹاک کی صدارت کرتے ہوئے اے ایم یو شعبہ ترسیل عامہ کے سربراہ پروفیسر شافع قدوائی نے کہا کہ اس میں کوئی شک نہیں ہے کہ ریگولیٹری قوانین کے سہارے جاگیر دارانہ سرمایہ داری کے گہرے منفی اثرات مرتب ہو رہے ہیں۔

انہوں نے کہا کہ بڑے سوشل میڈیا اداروں پر سوالات کھڑے کیے جانے چاہیئں اور ہندوستان میں فیس بک اور وہاٹس ایپ کے کام کاج پر ناقدانہ نظر ڈالنی ہوگی۔