'اردو زبان میں سائنس کو منتقل کیا جائے'

ڈاکٹر اسلم پرویز نے نوجوان نسل کو پیغام دیتے ہوئے کہا 'اپنے ذہن کا استعمال کریں، ہر چیز جو کہہ دی جائے اس پر عمل نہ کریں، ہر چیز کو دیکھیں سمجھیں اور سوال کریں اس انداز میں زندگی گزاریں جس کو ہم سائنسی رویہ کہتے ہیں'۔

ریاست اترپردیش کے علیگڑھ شاخ 'انجمن فروغ سائنس' کے زیراہتمام اردو ماہنامہ "سائنس" کے جشن اجراء کے موقع پر شاندار جلسہ کا انعقاد گیا جس کی صدارت پروفیسر اے آر کدوائی (ڈائریکٹر یونیورسٹی اسٹاف کلب) نے کی اور مہمان خصوصی ڈاکٹر محمد اسلم پرویز (شیخ الجامعہ مولانا آزاد نیشنل اردو یونیورسٹی حیدرآباد) مہمان ذی وقار ڈاکٹر نقول پراشر (ڈائریکٹر گیان پرسار حکومت ہند) تھے۔

اس موقع پر ڈاکٹر محمد اسلم پرویز نے کلیدی خطبہ پیش کیا اور پروفیسر اے آر قدوائی نے صدارتی خطبہ پیش کیا۔

اس موقع پر پروفیسر اے آر کروائی اور ڈاکٹر محمد اسلم پرویز کے ہاتھوں انجمن فروغ سائنس علیگڑھ شاخ کے ممبران کو انعامات اور سرٹیفکیٹ سے بھی نوازا گیا

ڈاکٹر محمد اسلم پرویز نے بتایا کہ 'پاپولر سائنس اور انوارمنٹ ' ماہنامہ رسالہ ہے جو آج 25 سال پورے کر چکا ہے۔ اس رسالے کے ذمہدار ڈاکٹر عبدالمعید شمس ہیں جنہوں نے اس رسالے کے 25 سال پورے ہونے کی خوشی میں سائنس کے نام سے ایک دستاویز تیار کیا ہے جس کی پہلی جلد کا اجراء ہوچکا ہے اور دوسری جلد کا آج ہوا ۔

ڈاکٹر اسلم پرویز نے بتایا آج میں سائنس کی بنیادی معلومات کی ضرورت سمجھتا ہوں جو آج دوسری زبانوں میں پائی جاتی ہیں لیکن اردو کے دامن اس سے خالی ہیں حالانکہ لوگ مضامین لکھتے ہیں کتابیں بھی لکھتے ہیں

آج ضرورت ہے کہ سائنس، کامرس، معاشیات، جغرافیہ کو اردو زبان میں منتقل کیا جائے تاکہ اردو جاننے والوں تک اس معلومات کو پہنچایا جا سکے۔

ڈاکٹر اسلم پرویز نے نوجوان نسل کو پیغام دیتے ہوئے کہا اپنے ذہن کا استعمال کرے، ہر چیز جو کہہ دی جائے اس پر عمل نہ کریں، ہر چیز کو دیکھے سمجھیں اور سوال کریں اس انداز میں زندگی گزاریں جس کو ہم سائنسی رویہ کہتے ہیں۔

اس موقع پر ڈاکٹر راحت ابرار، ڈاکٹر شمشال اسلام فاروقی، اسد فیصل فاروقی، مسعود عثمانی، ڈاکٹر عابد، پروفیسر ظفر احسان اور دیگر لوگ موجود تھے۔