ملک میں کورونا کا قہر جاری ہے تو وہیں لاک ڈاؤن میں ہوئے بے روزگار اور نادار افراد کو کھانے کی اشیاء کی فراہمی کے سلسلے میں نوئیڈا کے سیکٹر 50 اور 51 آبپاشی کے نالے پر رہائش پذیر خاندانوں کو عام آدمی پارٹی گوتم بودھ نگر ویمنز سیل کی جانب سے گرمی کا تحفہ تربوز تقسیم کیے گئے۔
اس سے قبل نوئیڈا کی صدر پریتی اپادھیائے اور گریٹر نوئیڈا کی صدر کرن تیاگی کی سربراہی میں مختلف علاقوں میں پھل، دودھ اور بریڈ تقسیم کئے گئے ہیں۔
ریاستی سکریٹری اور گوتم بودھ نگر انچارج میناکشی سریواستو کے مطابق عام آدمی پارٹی کے صدور اور مختلف سیل کے کارکن ضرورت مند لوگوں کی شناخت کر کے راشن و دیگر اشیاء پہنچا رہے ہیں۔
میناکشی کے مطابق نوئیڈا میں اگر کسی کو راشن و دیگر اشیاء کی ضرورت ہو تو وہ ہنومان وہار سیکٹر 49 میں واقع عام آدمی پارٹی ضلع گوتم بدھ نگر دفتر سے حاصل کرسکتے ہیں۔
