ممبئی/رانچی:جنوبی افرئقہ کے خلاف جاری ون ڈے سیریز میں واشنگٹن سندر کو دیپک چاہر کے متبادل کے طور پر بھارتی ٹیم میں شامل کیا گیا ہے ۔
بی سی سی آئی کے سکریٹری جے شاہ نے ہفتہ کو کہاچاہر نے پروٹیاز کے خلاف تیسرے اور آخری ٹی20 کے بعد اپنی کمر میں تکلیف کی شکایت کی ہے ۔ چاہر پہلے ون ڈے میچ سے باہر تھے اور اب وہ بنگلورو میں نیشنل کرکٹ اکیڈمی (این سی اے) میں بی سی سی آئی کی میڈیکل ٹیم کی نگرانی میں رہیں گے۔
یہ بھی پڑھیں:Women's Asia Cup 2022 بھارتی خواتین ٹیم نے بنگلہ دیش خواتین ٹیم کو 59 رنز سے شکست دی
سندر اگلے دو ون ڈے میچوں میں ان کی جگہ لیں گے۔ ہندوستان اور جنوبی افریقہ کے درمیان دوسرا اور تیسرا ون ڈے میچ بالترتیب 9 اکتوبر اور 11 اکتوبر کو کھیلا جائے گا۔
شکھر دھون (کپتان)، رتوراج گائیکواڑ، شبمن گل، شریس ایر (نائب کپتان)، رجت پاٹیدار، راہل ترپاٹھی، ایشان کشن (وکٹ کیپر)، سنجو سیمسن (وکٹ کیپر )، شہباز احمد، شاردول ٹھاکر،کلدیپ یادو، روی بشنوئی، مکیش کمار، اویش خان، محمد سراج، واشنگٹن سندر ون ڈے کے لیے ہندوستانی اسکواڈ میں شامل ہیں۔
