مرادآباد: پولیس تصادم میں انعامی بدمعاش گرفتار

اترپردیش کے ضلع مرادآباد کے کٹ گھر علاقے میں پولیس تصادم میں 25 ہزار روپئے کا انعامی بدمعاش زخمی ہوگیا جسے گرفتار کرلیا گیا۔

پولیس ترجمان نے جمعرات کو بتایا کہ بدھ کی رات تقریبا ساڑھے نو بجے پولیس کٹ گھر علاقے میں چیکنگ کررہی تھی۔ اس دوران پولیس نے کار سوار مشتبہ بدمعاش کو روکنے کی کوشش کی۔خود کو گھرتا ہوا دیکھ وہ پولیس پر فائرنگ کرتے ہوئے فرار ہونے لگا۔
پولیس نے جوابی کاروائی کرتے ہوئے فائرنگ کی جس سے وہ زخمی ہوگیا۔ جسے پولیس نے گرفتار کرلیا۔زخمی بدمعاش نے اپنا نام عثمان بتایا ہے۔ وہ امروہہ ضلع کے دوارسی گاؤں کا رہنے والا ہے۔
انہوں نے بتایا کہ کار سوار زخمی بدمعاش کے قبضے سے ایک طمنچہ،کچھ کارتوس اور دو موبائل فون برآمد کئے گئے ہیں۔ زخمی بدمعاش کو علاج کے لئے اسپتال میں داخل کرایا گیا ہے۔ اس کے خلاف لوٹ وغیرہ کے کئی مقدمے درج ہیں ۔پولیس نے اس کی گرفتاری پر 25 ہزار روپئے کے انعام کا اعلان کیا تھا۔