نوئیڈا: ہسپتال میں ہی سماجی فاصلے کی خلاف ورزی

کورونا گائیڈ لائنز میں رعایت اور کیسز میں کمی کے بعد لوگوں میں شاید کورونا کا خوف نہیں رہا اسی لیے احتیاطی تدابیر کو زیادہ اہمیت نہیں دی جا رہی جبکہ دنیا بھر میں پھیلی ہوئی کورونا وبا روکنے کا واحد حل سوشل ڈسٹنسنگ کو قرار دیا گیا ہے۔

نوئیڈا کے ہسپتال میں ہجوم دیکھ کر کہا جا سکتا ہے کہ عوام کورونا وائرس وبا سے بچاؤ کے لیے ضروری احتیاطی تدابیر سے غیر سنجیدہ رویہ اختیار کئے ہوئے ہے اور سوشل ڈیسٹنسنگ پر عمل درآمد میں غفلت برتی جا رہی ہے جبکہ انتظامیہ بھی اس تعلق سے سنجیدہ نظر نہیں آرہی ہے۔

احتیاطی تدابیر پر عمل میں کمی کے بعد اس مہلک وائرس نے ایک مرتبہ پھر سر ابھارنا شروع کر دیا ہے۔

اس سلسلے میں حکومت کو دوبارہ سے سختی برتنی پڑے گی تاکہ کورونا وائرس کے پھیلاؤ کو روکا جاسکے۔