در اصل سڑکوں پر حادثات کی روک تھام کے لئے ریاست کے وزیر اعلی یوگی آدتیہ ناتھ نے عہدیداروں کے ساتھ ایک میٹنگ کی۔ اس میٹنگ میں یمنا اتھاریٹی کے سی ای او اور ڈاریکٹر ارونویر سنگھ بھی شامل تھے۔
اس میٹنگ کے بعد انہوں نے سکیورٹی انتظامات اور نظم و نسق کی نگرانی والے ادارے کو ہدایت دی کہ گاڑی چلانے والوں کی بینائی اور گاڑیوں کے ٹائروں کی جانچ کی جائی گی۔
جن ڈرائیورں کی بینائی کمزور پائی جائے گی یا کسی گاڑی کی ٹائیر گھسے ہوے پائے گئے تو انہیں یمنا ایکسپریس وے پر سفر کرنے کی اجازت نہیں دی جائے گی۔
واضح رہے کہ یمنا ایکسپریس وے سے 30 ہزار گاڑیاں یومیہ گزرتی ہیں اور تقریبا 40 ہزار گاڑیاں ہر ماہ مقرہ رفتار کی خلاف ورزی کرتی ہیں۔
حکام کے مطابق ایکسپریس وے پر یہ مہم 20 فروری 2021 تک چلائی جائے گی۔ اس دوران ڈرائیوروں میں آگاہی پیدا کرنے کے ساتھ ساتھ ان کی اور ان کی گاڑیوں کی جانچ بھی ہو گی، اکہ سڑک حادثات کو کم کیا بچا جا سکے۔
ضابطوں کی خلاف ورزی کرنے والوں کے چالان بھی کاٹے جائیں گے۔ اس کے ساتھ ہی ٹول پلازہ پر ٹریفک قوانین اور محفوظ سفر کے لئے پمفلیٹ بھی تقسیم کیے جائیں گے۔
یمنا اتھارٹی کے سی ای او ڈاکٹر ارونویر سنگھ کے مطابق کمپنی کو ہدایت دی گئی ہے کہ ڈرائیوروں کی بینائی کی جانچ کی جائے۔ ان کے گاڑی کے ٹائروں کی بھی جانچ کی جا ئے ۔
