ریاست اتر پردیش کے ضلع بنارس کے سگرا تھانہ علاقے میں ایسے ہی ایک معاملہ سامنے آیا ہے جہاں پر دعویٰ ہے کہ ایک ٹھیلا لگانے والے تاجر کے ساتھ مونسپل کارپوریشن کے اہلکار کے ذریعے زیادتی کی گئی۔
ٹھیلہ لگانے والے سونو نے ای ٹی وی بھارت سے بات کرتے ہوئے مونسپل کارپوریشن کے اہلکار پر الزام عائد کیا ہے کہ سر راہ ان کے ٹھیلے کو پلٹ دیا گیا جس کی وجہ سے سڑکوں پر تقریبا چھ ہزار کا خوردنی اشیاء بکھر گئی۔
سونو نے بتایا کہ 'لاک ڈاؤن کی وجہ پہلے سے پریشان تھے قرض لے کر کاروبار شروع کیا تھا لیکن مونسپل کارپوریشن کے اہلکار نے نہ صرف ان کو تشدد کا نشانہ بنایا بلکہ ان کے ٹھیلے کو نقصان پہنچایا جس کی وجہ سے وہ اور پریشان ہو گئے۔
سونو نے دعویٰ کیا ہے کہ 'کارپوریشن کے اہلکار غیر قانونی طریقے سے پیسے وصولتے ہیں نہ دینے پر زیادتی کرتے ہیں۔ سپروائزر سے نیچے کے عہدے کے اہلکار نے آج پیسے کا مطالبہ کیا نہ دینے پر انہوں نے میونسپل کارپوریشن سے جے سی بی بلا کر کے ٹھیلے کو شدید نقصان پہنچایا ہے۔
یہ بھی پڑھیں: بنارسی کاروباریوں کو ساون ماہ میں بھی شدید نقصان
واضح رہے کہ وزیراعظم نریندر مودی کے پارلیمانی حلقہ بنارس میں اس نوعیت کی زیادتی لوگو کے لیے تشویش کا موضوع بنا ہوا ہے ایک طرف وزیراعظم نریندرمودی لوگوں سے اپیل کر رہے ہیں خودکفالت زندگی پر زور دیں تو دوسری طرف افسران کی زیادتی سے تاجر پیشہ افراد پریشان ہیں۔
