بیمار کانسٹیبل در در کی ٹھوکریں کھا رہا ہے لیکن کوئی بھی افسر اس کی فریاد سننے کو تیار نہیں ہے جس کی وجہ سے اس کانسٹیبل نے ضلع ہسپتال میں ہنگامہ کیا اور صحافیوں سے مدد کی اپیل کی۔
اتر پردیش پولیس کے سپاہی درویش سنگھ جو ہردوئی ضلع کے کوتوالی دیہات میں پی آر وی پر ڈیوٹی کرتا ہے، سپاہی درویش سنگھ تقریباً دس دنوں سے بخار اور الٹی سے نبرد آزما ہے لیکن جب وہ ہسپتال دوا لینے کے لیے پہنچا تو اسے وہاں پر سکریٹری کے معائنہ ہونے کی بات کہہ کر دوا دے کر لوٹا دیا گیا۔
سپاہی نے اپنے انچارج کو فون لگایا تو انہوں نے فون نہیں اٹھایا اس کے بعد اس نے ملنے کی کوشش کی تو بخار ہونے کی وجہ سے انچارج اس سے ملنے سے بھی كتراتا رہا، اس کے بعد پریشان حال سپاہی نے سی او سٹی سے لے کر، اے ایس پی اور ایس پی تک کے دروازے پر دستک دی لیکن اسے بخار ہونے کی وجہ سے ہر افسر ملنے سے کتراتا رہا۔
کرونا وائرس کو لے کر پوری دنیا میں ہنگامہ برپا ہے جس کی وجہ سے لوگ معمولی بیماری کے بعد بھی خوفزدہ ہو رہے ہیں۔
