اتر پردیش: آنندی بین پٹیل کا بہرائچ دورہ

ریاست اترپردیش کی گورنر آنندی بین پٹیل اپنے طے شدہ پروگرام کے تحت تقریباً 11:30 بجے شراوستی ہوائی اڈے پر پہنچیں جہاں مقامی رکن اسمبلی رام پھیرن پانڈے، بھنگا ممبر اسمبلی محمد اسلم راعینی، سابق رکن پارلیمان دون مشرا اور عاطف راعینی وغیرہ نے گلدشتہ پیش کر ان کا خیر مقدم کیا۔

اپنے طے شدہ پروگرام سے تقریباً 45 منٹ دیر سے شراوستی کے کنجڑوا گاؤں پہنچیں گورنر آنند بین پٹیل نے سب سے پہلے پرائمری اسکول کا معائنہ کیا اس کے بعد انہوں نے معائنہ کے دوران اسکول احاطہ میں ہی واقع آنگن واڑی سینٹر پر پہنچ کر انہوں نے گاؤں میں تغذیہ سے متاثر بچوں کے بارے میں جانکاری لی۔

تقریباً 50 منٹ گاؤں میں رہنے کے بعد گورنر آنند بین پٹیل شراوستی کے لیے روانہ ہوگئیں-

شراوستی پہنچنے پر ڈاک بنگلہ احاطہ میں 'پڑھے شراوستی بڑھے شراوستی' پروگرام کی پیش رفت کا جائزہ لیتے ہوئے تعلیمی سطح میں کیا کیا بدلاؤ ہوئے اس کی معلومات حاصل کی۔

ڈاک بنگلے پر منعقد جائزہ میٹنگ کے دوران ضلع مجسٹریٹ (شراوستی) یسو رستوگی، پولیس کپتان انوپ سنگھ، چیف میڈیکل افسر محکمہ صحت کے افسران سمیت پیرا مل فاؤنڈیشن و نندی فاؤنڈیشن اور تعلیمی وصحت بیداری پروگرام پر کام کرنے والی دوسرے انجیو گروپ کے لوگ موجود تھے-