ایک دوسرے پر بیان بازی کو لے کر سیاست تھمنے کا نام نہیں لے رہی ہے یہی وجہ ہے کہ ہر روز سیاسی لیڈران کی بیان سامنے آرہے ہیں۔
اس بار بیان بازی کی لڑائی میں مشہور شاعر منور رانا بھی آگئے ہیں۔
علی گڑھ بھارتیہ جنتا یووا مورچہ کے صدر مکیش لودھی کے مطابق منور رانا کے ذریعے سوشل میڈیا پر ایک ویڈیو وائرل ہو رہی ہے جس میں سپریم کورٹ کے ریٹائرڈ چیف جسٹس پر جارحانہ تبصرہ کیا گیا ہے۔
مکیش لودھی نے منور رانا کے خلاف تھانے میں تحریر دی۔
مکیش لودھی نے بتایا میں اپنے ساتھیوں کے ساتھ تھانے کورسی آیا ہوں جہاں پر ہم نے مشہور شاعر منور رانا کے خلاف ایک تحریر دی ہے۔
انہوں نے کہا کہ منور رانا کے ذریعے ایک ویڈیو وائرل ہوا ہے جس میں انہوں نے جارحانہ تبصرہ کیا ہے جس کی وجہ سے پورے ملک میں سبھی رام کے عقیتمندوں کے جذبات کو ٹھیس پہنچی ہے اور انہوں نے سپریم کورٹ کے سابق جج رنجن گگوئی کے تعلق سے جارحانہ بیان دیا ہے اس لیے منور رانا کے خلاف ایف آئی آر درج کرانے کے لئے ہم نے یہاں پر تحریر دی ہے۔
مکیش لودھی کا الزام ہے ایک ویڈیو شوسل میڈیا پر وائرل ہورہی ہے جس میں منور رانا ایک چینل کو انٹرویو دیتے وقت رنجن گگوئی کے خلاف غلط الفاظ استعمال کیے ہیں۔
