ریاست اتر پردیش میں اگرہ کے پرکاش نگر علاقے میں اس وقت افرا تفری کا ماحول پیدا ہو گیا جب ایک ہی گھر کے دو بچوں کی موت واقع ہو گئی۔
بچوں کے ماں باپ کا کہنا ہے کہ دونوں بچوں 'میانک 7، ویر 5' کو معمولی بخار اور زکام تھا جس کے بعد انہوں نے دونوں کو ہسپتال داخل کروایا لیکن ڈاکٹروں کی لاپرواہی کی وجہ سے ان کی موت ہو گئی۔
واضح رہے کہ دونوں بچوں کو کووڈ-19 کے لیے مشتبہ بتایا گیا تھا۔
وہیں بچوں کی لاشوں کو پوسٹ مارٹم کے لیے بھیج دیا گیا ہے، مقامی لوگوں میں ڈر کا ماحول بنا ہوا ہے لوگ سوچ رہے ہیں کہ کہیں بچے کورونا وائرس سے نہ ہلاک ہوئے ہوں۔
تاحال بچوں کی موت کے بعد رشتے داروں اور پڑوسیوں نے انتظامیہ کے خلاف نعرہ بازی بھی کی اور ہسپتال انتظامیہ پر لاپرواہی برتنے کا الزام عائد کیا۔
