اس موقع پر رکن پارلیمان اعظم خاں ضمنی انتخاب کے وقت ضلع انتظامیہ کی جانب سے کی گئیں سختیوں کا تذکرہ کرتے ہوئے کہا کہ 'جتنا ظلم نازیوں اور ہٹلر نے یہودیوں کے ساتھ نہیں کیا تھا اس سے زیادہ ظلم تم نے ہمارے ساتھ کیا۔ تمہیں بھی مبارکباد'۔
سماجوادی پارٹی کے قدآور رہنما اور رکن پارلیمان اعظم خاں کی اہلیہ ڈاکٹر تزئین فاطمہ حالیہ دنوں میں ضمنی انتخاب جیت کر رامپور شہر اسمبلی سیٹ کی رکن اسمبلی بن گئی ییں۔
سماجوادی پارٹی کے کارکنان اور عام رائے دہندگان کا شکریہ ادا کرنے کے لئے جلسہ شکریہ کا اہتمام کیا۔ رامپور میں قلعہ کے میدان میں جلسہ عام کو خطاب کرتے ہوئے ضلع انتظامیہ اور پولیس افسران کو اپنی سخت تنقیدوں کا نشانہ بناتے ہوئے کہا کہ 'اے انتظامیہ تم نے ہمارے ساتھ نازیوں سے بھی زیادہ برا سلوک کیا ہے'۔
انہوں نے کہا کہ 'جتنا ظلم نازیوں اور ہٹلر نے یہودیوں کے ساتھ نہیں کیا اس سے کہیں زیادہ تم نے ہمارے ساتھ کیا ہے'۔ اعظم خان نے کہا یہ ہماری جیت تمہیں بھی مبارک۔
