بارہ بنکی: ڈیڑھ برس بعد اسکول پہنچے طلبا، اساتذہ نے کیا استقبال

معمولاتِ زندگی کی بتدریج بحالی کے ساتھ یکم ستمبر سے اسکول دوبارہ کھل گئے ہیں۔ لاکھوں طلبہ کورونا وبا کی وجہ سے تعلیمی اداروں کی بندش کے بعد پہلی مرتبہ اسکول پہنچے۔ اس موقع پر طلبا واساتذہ کے چہروں میں خوشی کی لہر دیکھی گئی۔

ریاست اتر پردیش کے بارہ بنکی سمیت تمام اضلاع میں بدھ سے تمام درجات کے اسکول کھل گئے ہیں۔ تقریباً ڈیڑھ برس بعد اسکول پہونچے طلباء کافی جوش میں نظر آئے۔ اسکول آنے والے طلباء کا اساتذہ نے استقبال کیا۔ ساتھ ہی کووڈ-19 سے تحفظ کے لیے خاص ہدایات بھی دی گئیں۔ یہی نہیں طلباء کو اس موضوع پر بیدار کرنے کے لیے جگہ جگہ پر تشہیر پمفلیٹ بھی لگائے گئے ہیں۔'

اسکول کھلنے کے بعد طلباء کے ساتھ ٹیچرس بھی خوش نظر آئے۔ حالانکہ اسکولوں میں طلباء کی تعداد ابھی نصف ہی ہے۔ کووڈ-19 کے باعث ڈیڑھ برس بعد کھلے اسکولوں میں کووڈ کے احکامات پر عمل درآمد کراپانا چیلینج سے بھرپور ہے۔

ٹیچرس کا یہ بھی کہنا ہے کہ ڈیڑھ برس بعد اسکول کھلنے کی وجہ سے بچوں کو پڑھانا آسان نہیں ہے کیونکہ زیادہ تر بچے اپنا پرانا سبق بھول چکے ہیں۔ اس لیے انہیں ریمیڈیل کلاسیز دیئے جارہے ہیں۔ بعد میں انہیں نصاب کے مطابق پڑھایا جائے گا۔ انہوں نے کہا کہ وہ طلباء جو ابھی نہیں آرہے ہیں ان کے والدین سے رابطہ کیا جارہا ہے۔ تاکہ وہ اپنے بچوں کو اسکول بھیجیں جس سے ان کا خوف ختم ہو۔'