اترپردیش کے سہارنپور میں شاطر بدمعاشوں نے ڈکیتی کی واردات کو انجام دیا جس سے علاقے میں سنسنی پھیل گئی۔لوٹ کے واقعہ کو انجام دے کر بدمعاشوں نے پولیس کو کھلا چیلنج کیاہے۔
موٹرسائیکل سواربے خوف بدمعاشوں نے پبلک سروس سینٹر پہنچ کر اسلحہ کی نوک پر دو لیپ ٹاپ اور 95 ہزارروپے کی نقدی سے بھرا بیگ لوٹ لیا اورفرار ہوگئے ۔
مفرور بدمعاش سی سی ٹی وی میں قید ہوگئے ،موقع پر پہنچی پولیس سی سی ٹی وی فوٹیج کی بنیاد پر بدمعاشوں کی تلاش میں لگی ہے ، پولیس کا دعویٰ ہے کہ جلد ہی بدمعاشوں کو گرفتار کرلیا جائے گا۔
صبح بہٹ کے کلسیہ میں بے خوف بدمعاشوں نے پبلک سروس مرکز کو اپنا نشانہ بناتے ہوئے آپریٹر سے دو لیپ ٹاپ اور 95 ہزار روپیہ کی نقدی لوٹ لی اور فرار ہوگئے۔
قریب میں نصب سی سی ٹی وی کیمرے میں بدمعاشوں کی تصاویر قید ہوگئی، ، سی سی ٹی وی فوٹیج کی بنیاد پر پولیس بدمعاشوں تک پہنچنے کی کوشش کر رہی ہے۔ایس ایس پی دنیش کمار پی نے بتایا کہ آج صبح کچھ نامعلوم بدمعاشوں پبلک سروس آپریٹر سے لوٹ کرکے فرار ہوگئے ،واقعہ جانچ پڑتال کی جارہی ہے پورا معاملہ جلدی ہی سامنے آجائیگا۔
