قتل کے بعد لوگوں کے سڑک پر اتر آنے سے اکدل میں افراتفری مچی ہوئی ہے۔ مشتعل افراد نے آگرہ کانپور نیشنل ہائی وے پر جام لگانے کے بعد پولیس ٹیم پر زبردست پتھراؤ کیا جس میں ایک داروغہ اور ایک صحافی سمیت دیگر کئی افراد زخمی ہوگئے۔
مقتول کا نام منوج کمار راجپوت ہے جو اکدل علاقے کے لدھیات محلہ کا رہنے والا ہے۔ سپرنٹنڈنٹ آف پولیس(شہر) ڈاکٹر رام یش سنگھ نے بتایا کہ مقتول کے بارے میں بتایا جارہا ہے کہ کچھ افراد اس کو گھر سے پکڑ کر لے گئے اور پرائمری اسکول کے پیچھے اس کے ساتھ مارپیٹ کی اور پھر اسے پھانسی کے پھندے سے لٹکا دیا۔ صبح جب لوگوں نے اس کی لاش دیکھی تو وہ مشتعل ہوگئے۔ قتل کی واردات کے بعد موقع پر پولیس ٹیم پہنچ گئی جو حالات کو پرامن کرنے کے اقدام کررہی ہے۔
