میرٹھ کے وکیل اومکار کی خودکشی معاملے میں ابھی تک ملزمین کی گرفتاری نہ ہونے سے وکیل برادری میں ناراضگی میں اضافہ ہوتا جا رہا ہے جس کے سبب شہر کے ہزاروں وکیل جلوس کی شکل میں میرٹھ اے ڈی جی زون کے پاس پہنچے اور جلد از جلد ملزمین کو گرفتار کرنے کا مطالبہ کیا۔
وکیل کی خودکشی کے معاملے سے متعلق مغربی اتر پردیش کے ضلع میرٹھ میں وکلاء کی ہڑتال جاری ہے۔ اس دوران کچہری میں کسی بھی کام کاج متاثر ہورہا ہے۔
ایک جانب جہاں سرکاری کام کاج کا نقصان ہو رہا ہے وہیں، عوام کو بھی اس کا خمیازہ بھگتنا پڑ رہا ہے۔ ہڑتال جلد ختم ہو اسی غرض سے ہزاروں وکلاء نے پیدل مارچ نکال کر میرٹھ اے ڈی جی زون سے ملاقات کر اپنے مطالبات پیش کئے۔
واضح رہے کہ وکیل سوسائد نوٹ کے مطابق تقریباً 14 لوگوں کے خلاف رپورٹ درج کرائی گئی تھی لیکن ان تمام ملزمین پر ابھی تک کوئی کارروائی نہیں ہوئی جس کی وجہ سے وکلاء برادری میں ناراضگی کا ماحول ہے۔
